الأحد، 27 مارس 2011

في بيتنآ عروس


مسسآء الخير
أدري من زمان ما كتبت
لكن والله ياهو شغل البيت يشغل الوحده
ماعندي وقت احك رآسي
يادوب يادوب الآقي وقت اتصفح النت وانام (بدينا بالتذمر والاعذار البياخه  )
الا بالمناسبه
ترى العنوان له قصه كبيره كبر جبهه بنت خالتي اللي بالديره خ خخخخ
دآئمآ ما كان ودي أجرب احساس ان في بيتنا عروس بتتجهز خخخخخ
وهالحين جربت .. وخلاص ماعاد ودي احس ولا أجرب هههههههههه
فـ شسمه زي ماقلت لكم (أصلن اناقلت شي ياحظي؟!  )
لا اليوم العقل ضارب شوي لكم عليه
عسى الله يعدي هالتدوينه على خير ههههههههه
الموهـم ,, في بيتنآ عروس
حطوآ تحتهآ ثلاث تلاف خط
رىح أقول لكم ليه في التدوينه القآدمـه
والله فيني عجز مو صاحي هالأيآم
وأنا افضل اكتب تدوينه في بيتنا عروس باللغه العربيه الفصحى
لذلك
أففضل أني أكتبها في وقت ثاني  (لآتكفين أكتبهيا الحين  ) خخخخ خخ
ألآقيكم بخير *,^

السبت، 19 مارس 2011

السهره حلوه مع احمد حلمي خخخخ



فلم بلبل حيران ,, أحمد حلمي ^,^
جآلسه أتاآبعه ألحين مدري وش نهآيه خخخ
رهيييييب ي أحمد ^,* ههههههههههههههههههههههه


الجمعة، 18 مارس 2011

أرتبآطآت السعآده ..!

تعتمد سعآده أبي على مآهيه صبآحآته
رآقبته في سنوآتي الأخيـره  ف أكتشفت أن أبي مرتبـط كثيرآ بصبآحآته
لآ أدري لعنلنآ جميعآ هكذآ
لكنني لم أكلف نفسي بمرآقبه غيـر أبي :$
من الغريب أيضآ .. أنني لم أرآقب حتى نفسي 
لا أدري حتى الأن على ماذا  تعتمد سعآدآتي ؟!
فلربمآ أنني أشبه أبي كثيرآ
أو لربمآ أنني أختلف
من يدري :$
قد يكون الأرتبآط طرديآ بين سعآدتي وتحقيق أمنيآتي 
ف كلمآ تحققت لي أُمنيـه 
زآدت سعآدتي ..
ولربمآ أنني سعيـده في الأغلب لأني أؤممن كثيرآ بمعيه الله 
أو ربمآ لأني لآ  أشعر كثيرآ بتأنيب الضميـر
صحيح أنني أٌخطأ
ولكن هنآك أخطاء فآدحه قد تكون سبب تعآسه لأصحابها :(
أو لربمآ أنا سعيـده لأني " أرغب بالسعآده "
الحمـد لله .. حتى رغبتي بالسعآده ي الله نعمهٌ من عندك . 



الأربعاء، 16 مارس 2011

خلفيه سطح المكتب تبعي




مسساء الخير  ..!
سويت لي خلفيه سطح مكتب
ونشبت لي اختي  إلآ تبيها
طبعا شرطت عليها أنه " أذا صلحت طابعتنا وطبعت سيرتي الذاتيه أرسلها لهآ " 
وسوبحان الله صلحت وطبعت سيرتي  ههههههههه
ف أرسلت لها الخلفيه ع الايميل
وألحين انا وأختي مطقمين نفس الخلفيه خخخخ
هذي هي ,, وأذا عجبتكم ممكن أسوي لزوآر مدونتي الكرآم  





ألآقيكم ب خير 

الثلاثاء، 15 مارس 2011

مع نفسسسي :P



على قوله اختي البثره مع نفسي وصديقه نفسي خخخخخخ
أشتركت في مدونتي
على أساس أني أجرب بس
لكن شكلي بخلي نفسي معي خخخخ
عشان كل ما شفت جهه المتابعين أقول اللهم زد وبآرك
أشوفكم على امل أني الاقي مكان المتابعين ممتلي
وتصير مدونتي زحمه وحآلـه وناس تنتظر وناس تناظر (والله لو أنه مكدونالدز خخخخ ) 
وتراني متعمده في كتابه اسم المطعم خخخخ

الاثنين، 14 مارس 2011

ي ـآ صغييٌر


مسآء الخير ..!
بعض محآولاتي للعزل
أرعصوا عليها عشان تصير كبيره وحلوه





ي صغيـر لآ تضيعني بنظرآت البرآءه ,, وأنت تدري بتأثير نظرآتك علي 
ولد خآلتي الصغنون
ودي أسويه برياني خخخخخ



عندمآ تتساوى ـآ الأشيآء في نظـري





في ليله .. لم يسبق لها بالمجيئ 
كانت تحمل معهآ أشيآء مختلفـه
أشيآء .. لآ أستطيع فهمهآ كثيرآ 
كل ما أدركته تلك الليله هو أننـي لم أعد أهتم بشيئ 
تسآوت كل الأشياء حولـي .. وفي نظـري
لآ أريـد سوى السجود لله تعآلـى
والبكآء كثيرآ
كثيرآ
كثيرآ
أتذكر حينها أنني غفوت على ذلك الإحسآس المتعب
فعندمآ صحوت ..!
 كانت نقطه تحـول جذريـه تحدث في نفسي .. وتؤثـر علـي
في كل شيئ
حتى في أحلآمـي
فقد بدلت مسآرهـآ تمآمآ
أصبحت متفآئلـه أكثـر
عآزمـه أكثر
مبتسمـه أكثر
وكل أشيائي الجميـله في أزديآد
تلك الليلـه .. ليست ك سآئر ليآليي المعتآده
قد كنت أحسبها مظلمـه .. عآتمه وغريبه
وفي الحقيقه لم أعش في نورآ حقيقيآ ك مثل تلك الليلـه
أكتشفت أحد أعظم أسرار سعآدتي 
ف وجدت ان روحي تزدآد سموآ عندمآ أسجد ل خآلقهآ
وعندمآ أعترف له ب أخطائي وأطلب منه الغفرآن
وأبكـي
لآ لشيئ يخصني .. ولآ يخص أحلآمـي
بل له وحـده
وحده فقـط
بكائي ب دموع يغمرهآ خجل منه 
وحيآء
ونـدم .. وأحتيآج
كم أحبـك ي ألله .

الأحد، 13 مارس 2011

آآآه ي الخبـر :$


السلام عليكم
شخباركم ؟!


يوم الخميس سويت كم تجربـه وكان من ضمنها كورنيش الخبـر
الحمد لله طلعت ب أشياء حلوه وهذي وحده من تجاربي  
وأهديها لمنتدى احترافي
هـ المنتدى ماشالله فيه كميه من الأبدآع ومتأمله فيه خير

دوكم




أرعصوا عليها اذا قدرتوا عشان تشوفونها أحلى
طبعآ ما أستغنى عن تعليقاتكم
ألآقيكم ب خير *,^ 

الجمعة، 11 مارس 2011

جمعه مبآركه ,, متأخره ههههههههه

مساء الخير ,, ي آلله كم هو متعب هـ الويك آند  
صآرت لنا قصصه أمس والله ضحكتني كثيير ههههههههه
سبحان الله لو ماجينا أمس الخبر كان من الممكن ما تصير لنا
صحآني أبوي الساعه 11 وسويت ريوق لأهلي وصحيتهم
وكنا متحمسين نروح للخبر ,, وناوين نتغدا في مطعم كوبر شندني
ف اللي حصل أن حنا يوم وصلنا لقينا فيه مهرجان سباق الجري
أتوقع اللي راح للخبر يوم الخميس يدري شسالفه
الموهم ,, وماقدرنا نوقف بالظبط عند المطعم وقال لنا واحد من المنظمين وقفوا بعيد وتعالوا كعابي خخخخخ
لأن المهرجان يخلص بعد المغرب ويصير مسموح ان السيارات تدخل
ف وقفنا بعيييييد ,, بعيد حيل وربكم
وجينا كعابي ومرينا ع المهارجان واللي يركضون واللي يشجعون
المهرجان شكله حلو لكن حنا جوعانين خلاص ماعاد نقدر نجلس نتفرج أكثر
مشينا مشينا مشينآ ,,, ومشينا مشينا مشينا
لين وصلنا
ويوم وصلنا
قالوا لنا العاملين المعطم " مسكر والأفتتآح قريب "
أنا كن أحد صب علي ماي بآرد
ي ربيييه قطععنا كل هـ المسسآفه وبالنهايه مقفل
لآ
لآ
لآ
وحنا جوعانين
وحاطين بروسنا شي معين رآح ناكله
وأتوقع تدرون ايش يعني كوبر شندني
يعني نقارنه بمطعم الداجن مثلآ ؟ ,, أحسسه تحطيم خخخخخخخ
وبعد ماعصب علي أبوي وألبزآرين وكلهم يقولون كله منك ياحماره وياكلبه ياطوط 
مشيتينا كل هالمسافه وبالنهايه المطعم قريب الأفتتاح خخخخخ
قلت لهم فيه فرع ثاني لكن لازم سياره
عاطاني بابي نظره وانا اللي أقمط خخخخخ
فدخلنا امطعم لداجن وهالكلام بعد صلاه العصر وعصافيرنا مغمي عليها من الجوع خخخخخ
ونطلب
وناكل
ونحلي
ونخلص
ونطلع الا ذان المغرب يأذن
ونصلي
وندخل  د.كيف
وناخذ لنا موفن محشو شوكلت ومحشي فراوله
وكبتشينو وشاهي ونطلع برآ ونجلي نتفرج ع الرايح والجاي
وأبوي يافديته رآح يجيب السياره لأنها بعيده مره
وحنا ناس شبعانين ومافينا نمشي  ,, تعرفون يعني خخخخخ
التكمله بعدين لأني جايه من مشوار وتعبانه مره
فيني سوالف كثيره وودي أنزل تجاربي في التصوير
ي الله ألآقيكم بخير :$







الأربعاء، 9 مارس 2011

خربشه قبل أنام


الساعه بالضبط 2:57 دقيقه يوم بديت أكتب
سعيده حيل ,, ودني أضم اي شخص اشوفه
أمي أو اختي او اخوي الصغير هههههههههه
فيني فرحه ويمكن السبب يكون راجع الى أني صار عندي امل في شغله سعيت فيها قبل 7 شهور
وحسيت اني فقدت الامل فيها
واليوم رجع لي الأمل وبأذن الله يتحقق اللي في بالي
أدعوا وقولوا يارب
وسبب ثاني أني صليت الشفع والوتر ودعيت ان هـ الشي يصير  
وحاطه شي براسي
ان اذا ما حصلت على هـ الشي رآح أكون سعيده ليه ؟ لأن ربي أكيد يبي لي الخير وهو عارف وش أصلح لي
وذا حصلت على هـ الشي رآح أكون أسعد وأسعد وأسعد لأن حلم كبير لي يتحقق :$
ف المؤمن أمره كله خير
سبحآن الله
فعلا أمر المؤمن كله خير .. الحمد لله ان حنا مسلمين
والحمد لله ان ملكنا عبد الله :$ < ~ شطحه خخخخ
ألاقيكم بخير في رساله جديده
وعلى فكره تراني أحب الكتابه كثير
وأحس أني أبثرتكم بكلمه هـ الشي خخخ
بعضكم وده يعرف وش هـ الشي اللي ودي انه يتحقق
لكن وعد مني لو تحقق رآح أنشره وأقول لكم عليه
ولو ماتحقق ,, ف محد خسران شي :$






ي ا قلبي الحالم وكل شوق غنى لك
لكنّ درب الوصل متّغير وجاحد !
أشتاق للي تحب وحط في بالك : -
حياة الانسان ما توّقف على
واحد



*التصوير لمصوره أجنبيه والكلمآت من النت :$
*وقبل أنسى صبآحكم خير

الثلاثاء، 8 مارس 2011

مسسآء الأحلآم الحلـوه والبدايات المتفائله

بسم الله نبدأ فيه .. لأفتتآح المدونه :$
أتمنى تكون بنفس ما رسمت لها في بالي أو أحسن ماعندي مشكله هههههه 
لكن فيه شي لفت نظري وانا جالسه أسجل
بقائمه تحديد نوع الجنس .. فيه ذكر وأنثى وأخرى
فيه جنس أسمه أخرى وانا ماأدري ؟ (فيس مصفوق)
صورت الشاشه عشان أوريكم وتشاركوني نفس المشاعر خخخخ 



أها طيب ( فيس لحد الحين مصفوق )

أيه قبل انسى هالمدونه للجميـع
أخواتي وأخواني اللي يتآبعوني وجا على بالهم اي ملآحظه للمدونه سواء تطويرها او تصميمها او اي سؤال
أمانه عليكم تبلغوني
طيب بعضكم يسأل كيف يبلغني ؟  
انا بنفسي مدري خخخخخ
توني مسجله وكلها يومين وأصير خبره في هالنوعيه من المواقع أن شاء الله
ونآويه اضيف حساب تويتر + فيس بوك + تمبلر
أدري المواقع الكثيره تشتت لكن ودي أجرب هالأشياء الحلوه ووأشارككم فيها
الى اللقاء في رساله جديده وحلـم جديد *_^